Kundschaft? Mein Name ist Theres Prabsky, schön, dass in meim Ringmauerturm vorbeischaun. Ach nur neugierig, wies so is bei uns? Jaja. Um 1460 soll unser Turm da g’baut wordn sein. Uns g‘hört er dann schon seit 1715. Da Prabschi Anderl war der erste auf dem Turm. Er soll ihn vom Wehr- zum Wohnturm umbaut haben. Die meistn Türm solln zu dieser Zeit umbaut wordn sa, da Fürstbischof hat sie da nämlich den Waldkirchnern geschenkt. Da Anderl war a Bortenmacher, woast e? Borten? Also schmuckvolle Bänder! Mia san der einzige Bortenmacher im ganzen Markt. Bloß ernährn hods uns nur net ganz können. Deswegen mach ma jetzt auch die Uhrmacherei. Mein Bruder, da Franz Paul, macht des jetzt a scho Jahre lang. Hot aber keine Kinder, i bin ledig, und so werdn ma dann doch die letzten Prabsky in Waldkirchen sein. Mei, ob in 100 Jahr no überhaupt wer was weiß von uns? Schön wards fei scho. Naja jetzt weißt ja du e a wengal wos von uns. Aber wos a Bortnmocha is, mein ich, hast immer noch nicht verstanden oder? Man nennt ihn auch Posamentierer! Auf am Webstuhl hama die edlstn Quasten, Bänder, Fransen, Cordeln gmacht. Des ein oder andere hängt sogar in Passau beim Fürstbischof. Schau das doch moi bei uns im Turm drüben a!